|
أفادنا مصدر في الإدارة العامة لجهاز الحرس البلدي بأن د. عبد اللطيف أبوهدمة رئيس الجهاز قد عمم منشور جديد لجميع فروع الجهاز بخصوص مراقبة التسعيرة الجديدة للمواد الغذائية الأساسية المستوردة من قبل شركة الإنماء الوطني لإستيراد المواد الغذائية و هي شركة تتبع للقطاع العام أنشأت بقرار من اللجنة الشعبية العامة.
 رد: تسعيرة جديدة للزيت و الطماطم و الحليب
|
|
الموضوع فى غاية الاهميه ويحتاج الى وقفه فعلا
|
 رد: تسعيرة جديدة للزيت و الطماطم و الحليب
|
|
صندوق الحليب ب90دينار وصندوق الزيتب22دينار وصندوق الطماطم ب24دينار والمرتب كلة 200دينار يعني المواطن ياكل زيت وطماطم ويشرب حليب بس
|
| رد: تسعيرة جديدة للزيت و الطماطم و الحليب
|
|
غير إن شاء الله يتقيدوا جماعة الدكاكين و الاسواق الكبيرة
|
| رد: تسعيرة جديدة للزيت و الطماطم و الحليب
|
|
و كما يلاحظ من قائمة التسعيرة الجديدة فإن أسعار بعض المواد الغذائية كالزيت و معجون الطماطم و الحليب المعقم و المجفف و المركز بالإضافة إلى اللحوم المستودرة سوف تكون أقل بكثير مما هو متداول في الأسواق و محلات بيع المواد الغذائية التي تبيع المواد الغذائية المستوردة من قبل شركة الإنماء الوطني بنفس أسعار الشركات التجارية التابعة للقطاع الخاص.
هذا ما قلتموه بالموضوع ولكن يا استاذ ابوهدمة الم تلاحظ ان الاسعار التي ذكرتموها هي نفس الاسعار الموجودة حالياً بالاسواق واحياناً الاسواق ارخص مما ذكرتم اتقو الله فينا |
| رد: تسعيرة جديدة للزيت و الطماطم و الحليب
|
|
تعقيب على كلام الأستاذ عبد الحميد:
ما ذكرته هو في الحقيقة أسعار الصناديق و ليس العلب و أنت كما تعرف فإن المواطن الليبي تعود على شراء علبة الحليب كل يوم و ليس شراء صندوق كامل و على فرض أنه قام بشراء صندوق كامل بمبلغ 90 دينار فإن هذا الصندوق به 48 علبة مع العلم أنها من نوع الحليب المجفف و أنت تعرف أن علبة الحليب المجفف يعني البودرة يمسك أكثر من يوم. |
 رد: تسعيرة جديدة للزيت و الطماطم و الحليب
|
|
اتمنى ان نجد الاسعار كما في المنشور ولا ندخل في جدل مع الباعة.
|
| رد: تسعيرة جديدة للزيت و الطماطم و الحليب
|
|
ياهوووووه صدر قرار من مدة بصرف قيمة مالية شهريا لكل مواطن بدلا للدعم... وصرفوها شهرين وزادت الاسعار ثلاثة اضعاف ولالالالالالالالا حد ايقول هايه علي راقدين الريح وزيدها يا زايد وقفو صرف القيمة المالية ضحك علي الذقون الحمدو لله اني بنت في مجتمع لا يهيب للبنت اي اهتمام او وزن اهو طلعنا من الرجوليةوشن نبو فيها.... افهم يالي تبي تفهم
|
| رد: تسعيرة جديدة للزيت و الطماطم و الحليب
|
|
الغريب أن تسعيرة اللحم توا في بنغازي من 12.5إلى 13 جنيه وفي نفس الوقت تلقى مكتوب على زجاج المحلات أن سعر الكيلو هو 10 دينار لما تسأل يقولوا لك انهم اتفقوا مع الحرس البلدي أنهم يكتبوا التسعيرة 10 جنيه ويبيعوا بسعرآخر
|
 رد: تسعيرة جديدة للزيت و الطماطم و الحليب
|
|
المهم بش يعرف كل الليبيين ان شركه الانماء تساعد في الهولنديين الي قريب سيعرضوا شريط يسيؤا فيه للرسول الكريم؟؟؟ انشالله ميكونش عندك نسبه في البزنس يادكتور!!!!!!!!!!!!!!!!
|
| رد على الموضوع
|
|
اسعار خيالية باهيى الى عند 4 او 5 اولاد ايش ايدر راقد الريح
الاسعار نفس ماهن ياريت تعودو النظر فى الموضوع
واللة العيشة اقعدت بهدلة والواحد منا ايتمني ايموت
|
| رد: تسعيرة جديدة للزيت و الطماطم و الحليب
|
|
انشاء الله حسبينه صح مع ان هده الشركه تبعه للحكومه يعنى تخفيض فى الجمرك يمكن اللغاء الجمرك بكل ونشاء الله يضبعو ختم الشركه على كل ما تستورد لكى يعرف الموطن وتعلن الشركه اماكن توزيع مباشره من غير وسيط الى الموطن
|
| رد: تسعيرة جديدة للزيت و الطماطم و الحليب
|
|
waaak LIBYA.....
|
| رد: تسعيرة جديدة للزيت و الطماطم و الحليب
|
|
ياحصرة علي سلع التموينية
|
 رد: تسعيرة جديدة للزيت و الطماطم و الحليب
|
|
تم تخفيض الاسعار من أكثر من هكي فمثلا سعر الحليب المكثف 170 جرام للمستهلك 0.500 درهم للعلبة و 410 جرام 1.000 دينار وسوف تجدون الاسعار كاملة شاملة للواردات الشركة من السلع الاساسية
|
| رد: تسعيرة جديدة للزيت و الطماطم و الحليب
|
|
إه الله يرحم أيامات الجمعيات الإستهلاكية
|
| رد: تسعيرة جديدة للزيت و الطماطم و الحليب
|
|
كلام علي اورق بس اول حاجة وينهم الحرس البلدي مع احترامي للبعض شني ايديرو ادورو في البزنس امتعهم بس شادينها علي محلات معينة هات هات 20 هات خمسسين و متعدلش علي حد و تبي ايراقبو التسعيرة قداش سعر فردة الخبزة خمسة اقروش وين مراقبة التسعيرة و شوفو وزنها قداش واللهيادكتور لما تتحاسب عليه يوم الدين متقولش معنديش علم و لا انا انوقع في اورق بس انت المسؤول الاول
|
 رد: تسعيرة جديدة للزيت و الطماطم و الحليب
|
|
أولا السلام عليكم
بعدين زي ما نعرفوا اكلنا الوضع هكي ؛ يعني نتكلم أني ولا تتكلم انت زي بعضه مش حنغيروا شي ؛ معناها بقولتنا كلاها من كلاها واحتزت "ولا زي ما يقولوا "اللي ضرباته أمه راحت فيه " ربي يرزقنا انشاله وما تعدلوش القسم على الله؛ وبعدين في الشرع ما فيش تسعيره وغيره فلما غلت الأسعار علزمن الرسول صلى الله عليه وسلم قالوا له سعر لنا يا رسول الله فقال "أنتم أعلم بدنياكم" ولم يسعر فالأمر هادا يرجع لأخلاق التاجر وكيف وباش يخلص ايبيع |
| رد: تسعيرة جديدة للزيت و الطماطم و الحليب
|
|
والله حرام عليكم نحن الليبيون خمسة مليون وهكى سعر الزيت والطماطم عدى شوف الصين بلد المليار والثلاثمائة مليون عندهم الزيت والطماطم ارخص منا شى يحشم والله
|
| رد: تسعيرة جديدة للزيت و الطماطم و الحليب
|
|
اه ه ه ه..في ليبيا بلد العز زي مايقولوا الراتب لا يكفي لشراء خروف ؟؟؟؟؟؟ في جنوب افريقيا مثلاً راتب شهر واحد يكفي لشراء عشرين خروف ؟؟ رخص الطماطم والا ارفع تسعيرته اصلاً المعادلة غلط . ولن تصل الي نتيجة يادكتور؟؟؟؟
|
| رد: تسعيرة جديدة للزيت و الطماطم و الحليب
|
|
السلام عليكم
الحاجات الاساسية للانسان ضرورية جدا ويجب ان تكون في متناول الجميع ففي الحاجة تكمن الحرية |
| رد: تسعيرة جديدة للزيت و الطماطم و الحليب
|
|
آستغفر الله الذي لا إله إلا هو الحي القيومـ
|
| رد: تسعيرة جديدة للزيت و الطماطم و الحليب
|
|
تمام زيدو اخرى راه المواطن مازال متوسع ومازال يشري ويلبس ويجوز يعني مازال متريح زيدو ضيقو اخرى راهي مازالت واسعه
وكان قدرتوا في خطه مستقبليه اتخلوا النفس بفلوس التنفيسه بـ16 قرش والمشي يتحدد فيه سعر الخطوه بـ7 قروش والكلام الكلمه بقرشين ونص وبعدين ترفعوا التسعيره حسب الوضع |
| رد: تسعيرة جديدة للزيت و الطماطم و الحليب
|
|
كله من عديم الضمير ، خلى ثقافة الشعب الليبي كلها طماطم وزيت .... ليك يوم يا ظالم
|
| رد: تسعيرة جديدة للزيت و الطماطم و الحليب
|
|
اللهم ارفع مقتك وغضبك عنا يارب العالمين .... هذا ليس من الحكومة ولا من ألاخ القائد بل من أنفسنا نحن ... ترى هل نظرنا إلى أنفسنا وسألناها لماذا نحن أصبحنا على هذا الحال .....لنرجع إلى قليل من الماضي عندما كان الشعب الليبي طيب وخلوق وبعيد عن المنكرات ...وعندما كانت فينا النخوة والغيرة على بناتنا ... وعلى الدين الحنيف الذي أكرمنا الله تعالى به ... أرجوا من كل مواطن أن يلوم نفسه قبل أن يلوم ولي الأمر .... والسلام عليكم ورحمة الله وبركاته
|
| رد: تسعيرة جديدة للزيت و الطماطم و الحليب
|
|
الشهادة لله التسعيرة امنيكة
|
 رد: تسعيرة جديدة للزيت و الطماطم و الحليب
|
|
انشاء اللة يارب معقولة هدى الاسعار فى ليبيا واللة حرام مفروض هكى من زمان اللة يرحم ايام الجمعيات
|
| رد: تسعيرة جديدة للزيت و الطماطم و الحليب
|
|
متى ستطرح على الاسواق هذه التسعيره
|
| رد: تسعيرة جديدة للزيت و الطماطم و الحليب
|
|
بخصوص الحليب المجفف ،زعما حسنى بي وصلت له صورة من القرار ؟؟؟؟؟؟
|
| رد: تسعيرة جديدة للزيت و الطماطم و الحليب
|
|
طرح التسعيرة شى ايجابى ولكن التطبيق التطبيق اين انتم ياحرس البلدى ملاحظة الحليب وخاصة حليب الاطفال والمكتف اقولها يحتاج الى دعم لانه يهم شريحة كبيرة من المجتمع الاطفال واذا لم يدعم تخفض الضرائب او تلغى عليه بعكس الطماطم والزيت وهذا من صالح المواطن على فكرة مواطن غيور يحب الخير للكل ومقالتى تحاول تجنب النقد ياريت ياخدوا اهل القرار بالموصوع كم سيكلف الدعم بالكتير 100مليون سنويا وهذا يساهل على المواطن وينشى جيل قوى .............................ارجو التعليق
|
| رد: تسعيرة جديدة للزيت و الطماطم و الحليب
|
|
محصول الطماطم الأخضر في المناطق الوسطى في بلدنا الغالي متوفر لدرجة(إيدللو بيه) ولا نجد في ليبيا أي مصنع لإستغلال هذه الوفرة في هذا المحصول ، والله لو تم توجيه أصحاب المشاريع المتوسطة ودعمهم لإنشاء وإقامةمصانع إنتاجية لمعظم المحاصيل المتوفرة محليا لكنا نصدر الطماطم وبجودة عالية بدل من التهافت على الطماطم التونسي والإيطالي والتركي والتذمر من التسعيرة ومن تجمل أصحاب الشركات الخاصة أو المخصصة ولما إحتجنالطماطم فاسد ويعلم الله بنوعيته وجودته ومدى تطابق المواصفات الصحية له
|
| رد: تسعيرة جديدة للزيت و الطماطم و الحليب
|
|
هل هذه التسعيرة للاسر المحرومة؟
|
| رد: تسعيرة جديدة للزيت و الطماطم و الحليب
|
|
شنو اتقولو حتى لو اصبح المرتب 500 مايسدنا احنا العزاب غلاء فى كل شى
|
| رد: تسعيرة جديدة للزيت و الطماطم و الحليب
|
|
انى طلعت من البلاد وكنت نحساب ان عايشين فى خير
انى حاليا فى امريكا وتصورو يا جماعة الخير ان الغالون بي 2 دولار يعني 4 لتر بي 2 دولار تخايل لما تقارنها بمعاشات الامريكان اللى اقلها 2000دولار فى الشهر , توا بالله عليكم مش قهرة ربي يسامح اللي ناهبينها وخلاص |
| رد: تسعيرة جديدة للزيت و الطماطم و الحليب
|
|
اني ميهمنيش الموضوع هدا لاني مش فاتح حوش لكن وين نجي لبوي نطلب منه فلوس يطلعلي بستين سبب واولهم غلي الاسعار يعني ياجماعة قدروا حال الشيباني الي عنده 5اصغار شن بيوكلهم شن بيعطهيم كان طلبوا منه والله حال يسخف ليبيا ولت طبقات طبقات والله امالا لين نتحشم نقابل الاولاد الي حالهم خير من حالنا
|
| رد: تسعيرة جديدة للزيت و الطماطم و الحليب
|
|
نحى من اللحيه وحط فى الشارب
من جهة يقولو المؤتمرات تقرر ومن جهه يغيرو فى الاسعار نحى من زيت الاكل وزيد فى زيت المحرك زيت المحرك تو ديناران ومازال القدام |
| رد: تسعيرة جديدة للزيت و الطماطم و الحليب
|
|
بصراحة فديييت....بلاد وصلو للقمر واحنا قاعدين نفكر في تسعيرة الزيت والطماطم.......حرام عليكم
|
| رد: تسعيرة جديدة للزيت و الطماطم و الحليب
|
|
هذا كله هراء في هراء وضحك على المواطنين اللليبيين، ومزايدة على الغلبانين ، لو كان فيه حرس بلدي صحيح لكانت الأسعار وخصوصاً المواد المستوردة من قبل الشركات المملوكة للدولة أرخص من التراب ، ويا ويلكم أيها المسؤولون من العذاب
|
| رد: تسعيرة جديدة للزيت و الطماطم و الحليب
|
|
يا حسرة يا شباب حتى ايام الحصار والتقشف البضاعة كان صندوق الزيت ب9 دينار والسكر شكارة 50كيلو 12 الدينار والأرز الشكارة 5 كيلو ب3 دينار
على قولت الشباب الشعب الليبي ياكل زيت وسكر وطماطم حتى حليب معاش بنلحقوا عليه يا حسرة على ايام زمان وبس |
